袁弓夷（19490130－）

袁弓夷（19490130－）生於上海，祖籍浙江寧波鄞縣，

是為宋望族西門袁氏直系之後，父袁勃為香港照相業大王，

族伯袁希洛為孫中山就任中華民國大總統時的授印代表，

族叔袁希濤曾為中華民國教育總長。

香港美國電子工業實業家，在香港、美國創有多家電子企業而知名。

他育有六子女，包括前新民黨政策總裁袁彌昌及人民力量前主席袁彌明。

子袁彌昌為香港知名評論家，女袁彌明為落選港姐兼香港政治家。

1953年隨家人移居香港，早年在家庭企業任職，

1980年代與父袁勃創辦香港「科苑」電子工業企業系列，

初期製作當時風行的電子表，獲得商業成功。

後繼任父職，任香港科苑電子董事長。

1980年代改革開放後投資中國大陸，任廣州科苑電子董事長。

後創設Tele-Art Inc.，「科苑有限公司」成為Tele-Art Inc.下的全資附屬企業，

Tele-Art Inc.亦先後於香港證券交易所和美國紐約納斯達克（Nasdaq）上市，

成為首家在納斯達克上市的全港資電子企業。

袁氏Tele-Art Inc.在港製日本卡西歐（Casio）電子表，曾是其在港最大代工。

但其在香港的「科苑」企業，

因在美國債款問題於1997年入稟百慕達法院，後申請清盤獲准。

2005年5月，其香港「科苑」又被中銀香港追款，入稟香港高等法院，最終清盤。

2008年，亦被香港花旗銀行入稟香港高院，申請破產，

此亦為香港等亞洲發達經濟體電子製造業，

在20世紀90年代末及21世紀初滑落，

而產業向新興經濟體轉移的趨勢。

除「科苑」系列企業外，袁在香港、美國創設9家企業，

創辦香港國葉控股有限公司，歷任董事、執行董事、總裁、董事長，

亦任香港雲工科技有限公司董事長。

袁氏亦捐資助建浙江翰香小學（其父袁勃母校），捐建袁勃銅像，

並設立「袁希濤潘鴻鼎獎學金」。

袁爸爸 袁弓夷政經評論

袁爸爸 袁弓夷政經評論

自2020年5月中開講至20200608
11.3萬 位訂閱者

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

不但經歷過三段婚姻，名字也有三個。

本名袁肅，記者乍聽還道是東京潮區原宿，其實出自《三國演義》，

話說東吳將領魯肅木訥易騙，

「魯肅戇居居，成日俾諸葛亮搵笨，我老母覺得我好戇居，好鬼老實，同我改個咁嘅名。」

肅字筆劃多，媽媽後改弓夷，「搵弓箭射啲夷族，shoot the barbarian!」

昔日中國人指日本為東夷，

「我老母話我聽有兩次最開心，一次日本仔投降，一次打倒四人幫。」

開弓沒有回頭箭，近來對準北夷，拍片發聲，

「第三次就系共產黨冧！」上一代名字真多，他還有個族名，

「袁彌昌佢哋系彌字輩，我繫世字輩，袁世凱個世，我叫袁世宏。」

袁世凱推翻滿清，袁世宏滅誰？

袁弓夷50年沒寫作，今次寫公開信給特朗普等人如有神助，

「好似有少少上天力量，我唔系好迷信，但我有感覺。」

袁弓夷突然火紅，72歲成為年紀最大的KOL，

早在港版國安法出台之前他已拍片，預言美國必往中共身上招呼，

近來更呼籲香港人參與其中，公投決定自己命運，

他在今次訪問解釋：

「點解我提議公投？實在冇人代表我哋，立法會班友（包括媳婦容海恩）唔准傾呢啲；

   人大政協去北京開會，邊個代表我哋，你投票選㗎？

   我哋俾人deprived of the right，我有責任提議香港人我哋應該攞番個權，

   共產黨就話你港獨、分裂國家，X佢乜都有得講啦！」

公投必須外國監察，只怕要加上勾結外國勢力罪名，

袁爸爸翻舊賬：

「正式勾結外國勢力系中共，毛澤東喺江西時唔叫中國，叫蘇維埃，

   佢系大蘇聯嘅一部份。」

這裡說的是中華蘇維埃共和國臨時政府，另外抗日戰爭也因外國勢力而勝，

「如果唔系兩粒原子彈飛過去，我哋今日講緊日文，向天皇敬禮呀！

唔系講笑，如果英國唔同美國同盟，佢講緊德文呀！蘇聯都講緊德文，當日蘇聯都系同盟國，Heil Hitler呀！」

他是典型企業家勇往直前，從不左思右想，

「又怕痛又話西裝皺咗，點搞？嗰班律師真系咁。」

這裡說的是公民黨，想不到他抨擊泛民，「好多時因為佢哋怕痛所以搞到今日咁彎，

如果佢哋早啲頂住，唔會搞到今日咁彎，????家冇得救。」

特朗普則歸咎前幾任總統養虎為患，

袁弓夷說：

「奧巴馬系衰人嘛，攞咗Nobel Prize（諾貝爾和平獎）之後成日明哲保身，

   呢條友乜都唔做，共產黨應承佢嘅嘢唔做佢又唔理，

   即系我突然畀個貞節牌坊你，你都唔敢出去滾啦！」

萬惡錢為首

據他所知港版國安法志在掠水，這裡要從2017年說起， 

大陸富商肖建華被人從香港四季酒店帶走，押返 大陸，

導致去年《逃犯條例》修訂風波，

「佢整個送中重複肖建華（事件），但合法地帶佢返去，然後分曬佢海外啲錢，

   呢個系送中主要目的，真係為咗錢。」

今次國安法延續去年未完的夢，目標同是官、紅二代在港約二萬億元資產，

兩次港官都聲稱只針對一小撮人，一般市民不用擔心。

清算官、紅二代之後，輪到本地富豪上場，「我話你聽，有錢佬實際至大鑊！」

袁爸爸說：

「我懷疑你，我調查你，條友驚到瀨尿，乜都畀曬佢啦，大佬我要自由！

   國安法完全有權做呢樣嘢，香港咁鬼多闊佬，我派咁多公安嚟，呢次系發財機會喇！

   你擔保呢樣嘢唔會發生？將來呢樣嘢至系主題！」

袁弓夷父親袁勃是本港照相業大王。

富豪頭上一把刀

以後 大陸執法人員公然來港， 大陸術語稱為刀把子，

「有咗呢班友，到佢哋撈嘢，你冇罪最好，冇罪有錢就得。反而拉嗰班細路唔系主題，

   佢仲以為咁樣做咗美國會多謝佢，社會安定大家齊齊賺錢啰。」

袁弓夷在北京、華盛頓廣交朋友，消息靈通，有一件事可以窺見北京做甚麼都為了錢，

「我講件真事你聽，佢哋（京官）話香港發生咁多嘢，到底????仔要乜嘢？

    我話自由、民主、法治，佢話呢啲系虛嘅，因為佢哋從來未嘗試過。」

搞清楚習大大真正目標是誰，因此無懼發聲？

「我哋香港人took him too seriously，佢嘅政績未成功做過一件事，冇一件事佢唔爛尾，

   你得閑搵一件畀我。」

袁爸爸強調從沒考慮自身安全，問題是如何消弭港人之憂？

「我話你聽，我冇責任令佢哋唔擔心，我嘅責任唔系pacifier，

   你唔想BB仔喊就畀個奶嘴佢，就系pacifier，我唔系畀個奶嘴你等你唔喊，

   呢個唔系我責任，我嘅責任系要解除病毒，叫做共產病毒，

   否則我家人、後代、我哋中國人冇前途。」

記者追問，假如港版國安法針對官、紅二代，香港平民百姓不用擔心？

「你唔逼我講我都講，我唔鐘意講大話，實際我唔信佢有咁嘅威力、持久力可以撐落去。」

訪問至此才說穿，他不擔心立法，卻向美國高聲求救，還望特朗普大功告成，

大家不妨學習袁氏心法，

「所以我同你講，以我判斷（國安法）唔掂，佢撐唔落去，

   但如果我系美國人我當睇唔到，當你呢個系真，我橫掂都要打你，

   搵到咁好機會我仲唔撲X你？我幾大唔信都要信，我扮信啦！」

曾結婚三次的袁弓夷，袁彌望（大女）、袁彌昌、袁彌明是同母所生。

愛國是一場戲

袁弓夷是浙江寧波人，1953年父親袁勃來港，後來成為照相業大王，

媽媽在 大陸傳教，1956年被判勞改，兩個妹下鄉，翌年輪到他本人逃亡香港，

記者問他對中共有過希望嗎？

「我系香港第一個入去開工廠，改革開放，鄧小平未出嚟我就入去，

   我入到去覺得好奇怪，分唔出邊個好人邊個壞人。」

他答道：

「我可以咁講，從來對佢冇希望。」

不說中共，對國家有感情？

「對國家講感情根本系多餘，國家系衰人你都對佢有感情？

   希特拉捧住德國專做壞事，你愛德國？（二戰）日本又系，你愛日本？」

他認為國家憲章代表人民的協議、原則，才是人民所愛，

「乜嘢愛國、民族精神，X嗰啲全部呃人！」

問題來了，袁弓夷、早前逝世的李鵬飛、唐英年早逝之父唐翔千

當年都是第一批北上設廠的港商，袁更將廣州工廠送給國家，如非愛國還有何因？

「送咗廠之後，畀我一個好嘅道理救我老母、兩個妹出嚟，因為我系愛國商人，

   所以佢放我兩個妹、我老母。唔系因為我愛國，亦唔等於我愛國，根本全部都系做戲！

  乜嘢愛國呀，X你真系唔好信呢啲啦，愛國兩個字都唔能夠信。」

袁氏生意無數，旗下Tele-Art Inc是首家在納斯達克上市的全港資電子企業，

他在 大陸20年卻蝕了幾千萬元，分毫未賺過，發現大陸人不想賺錢，只想騙財。

今次發聲前斷絕國內所有生意，明言不會再對這個政權作出任何貢獻，

「冇可能又要賺佢哋錢又鬧佢哋，因為生意人對錢都有感覺，既然你講嘢要夠膽講、

   直講、冇保留冇拘束咁講，你點可以同時賺緊錢？我冇咁叻。」

據他說港商北上一定滾紅滾綠，被拍下床上英姿，一旦阿爺吹雞埋位往往身不由己，

「我真系唔多，啲友去東莞我唔鐘意去。」

唯獨他是例外，因此瀟洒得起，

「冇滾過就呃你嘅，我好早出道，21歲出嚟做生意，好早掂過呢啲嘢，冇乜刺激。」

十個男人九個去滾，一個諗緊，

難得袁爸爸直認，

「梗系啦，男人唔滾邊系男人呀，有冇講錯？」

責任編輯： 秦瑞 　 來源：蘋果日報 轉載請註明作者、出處並保持完整。

本文網址：https://hk.aboluowang.com/2020/0607/1461294.html