遇仙記

    2013-03-30零時十分
(林子祥老婆葉倩文,點解唔唱焚身以火),
夢醒不了情:
  
道家老子(道教封的太上老君),
知我勤念咒江河水,
終來報夢:賓仔,你師父鍾離權冇空,
直接揾你做,筍野嚟,
明益你(呢兩句好鬼熟!)
  
我唔去喇,揾老權啦!
  
揾你最啱喇,靚才女嚟,
識平甩功和金雞獨立;
仲以為自己是神醫添,
仲認咗條牟利(姓釋家)做師父,
成日豎起隻中指(一禪指),
好天真無牙嫁!
  
吓!冇牙都叫我去?
 
佛教佬拉咗你過底,同佢講兩句佛偈就掂.
 
好啦,去找何仙姑攞番把飛劍先.
 
唔好帶劍,條靚妹咀刁又唔知掟,
驚你斬咗佢隻中指(駁返都冇用)!
嗱!畀本道教金蓮七真傳你睇,
睇完就帶埋去揾條靚妹,
13時(未時)帶一把男裝傘;一把女裝傘,
出發去太子站A出口等,帶副黑超,
到時自然有條女話老子介紹嚟,
拖你行,你就跟佢行.
   
又冇太陽又冇落雨,仲帶兩把遮!?
   
當簽使嫁!到時迫佢揀一把,
揀中男裝就証明佢冇男女相,你就送本七真傳佢睇;
貪靚揀女裝就仲係著女相,時機未到,等佢多受磨練啦,
可能要權仔先至掂,佢最識教無知,就變咗你師妹.
當年權仔教你金手指,指石成金你都唔學,
正一痴痴呆呆;坐埋一檯!
係咁先,唔係孭呀(木咀輝/周潤發)!
   
醒鬼咗,黃字綠底:道教金蓮七真傳,
黃綠!唔老禮woo!
睇咗一個時辰(2小時),差的瞓著.
原來是講賓仔徒弟,王重陽:楊過個師父小龍女;
個師父林朝英;個初戀情人
(哦,楊過師婆條舊仔:儍佬王),
為了在終南山,開山創派,拋棄條女
(個個祖師都係咁,十郎又係咁:太上無情, 要撇女)!
   
嘩!未時到,執齊傢伙就動身,
在上水坐火車(東鐵),
帶住副黑超;棟住兩把遮,
有條盲炳讓座,又幾爽!
睇書肯定被盲炳打,閉目養神,
心想:王重陽修內丹,練童子功,
一代宗師,收了全真七子,
首徒馬鈺(佢老母唐氏:夢見麻姑賜丹吞而生子,
類同牟利,穌哥,同夢熊兄)!
二徒馬鈺夫人:馬太(馬太福音個馬太),孫淵貞,
立下不二之心,同馬鈺分房(冇離婚)改稱師兄妹,
仲用滾油洗面求法,整到花容失色,
變咗花面貓(儍貓),要裝瘋扮儍,
仲離家修道12年(日日見住老公,修條毛咩)!
苦心天見憐,道成留名:孫不二!
   
吓!大鑊!等陣老子話賓仔上我身時,
要我自己執生,喂!上身好攰嫁,
早響呀,等我瞓足3曰先嘛,
李耳真係比你玩Q死!?

在太子A出口:
帶住副黑超,棟住兩把遮,企咗半小時,
放在地上之背包,掟滿銀仔,仲唔嚟,
實被警察告阻街及無牌行乞!
  
突然,右手被捉著,孫不二說:老子介紹嚟嘅!
耳內同時天鼓大鳴:乾坤借法,唔該借歪,右腳一踏,
喂!唔好玩,呂喦.
 
孫不二拖著我就好似騰雲駕霧,途中很多鮮花,
到了公園(好似象棋公開賽果個),
一坐低就落湯雞;咦!早两晚發夢又係咁嘅.
 
光頭佬,做乜諗野,
老子叫我嚟做乜嘢,一邊講一邊搖.
 
我唔郁得,被孫不二搖到三魂七魄都散咗.
  不二,休得冇禮,見了貧道還不下跪!?
  你是何人?
  你師公,呂喦.
  未見過你,有何為証...........
   唸了家門七絕:重樓玉闕;左寶右印........
   師父冇教過.......,整係話師公識飛劍,同飛x!
   飛劍,無帶劍!......飛x....公園尼噃,日光日白....點飛,
好,跟我入公廁飛比你睇.去男廁定女廁呀!?
   跟你入廁所,你想非禮我呀!咪搞!
喂,你冇憑冇証來相認,你估你係周世顯咩!
   唉!度女人和同志特別難,冇咁易跟你入廁所,
練陰陽十二式太極功,都要剝光豬嫁,儍貓,
睇來,都要老權(鍾離權)先教得你掂!
 
光頭佬,又做乜諗野!冇野講我走喇.
   被佢一搖,賓仔(呂洞賓)走咗,攰得我,
被你倆師公孫玩死!
咪走住,咁大雨,是但攞把遮先走,
費是淋病咗,你阿媽找我算帳(醫葯費)!
   孫不二:二話不說,攞起把SASA女裝遮就走,
女就是女,咁Q貪靚,點修道呀!bye bye!