四維師兄 12

和魚兒<調笑令>
昂頭;昂頭;昂頭多昂球球!
世人無語問天!低頭;低頭;垂頭!?
昂頭;垂頭;乾坤正氣哪頭!?

5月20日6時半,打過五米粥給老爸,
換洗大廳及洗手間的魚缸水;換了水隔海棉;
洗清魚缸地衣;地衣水儲待陽台花:有机肥料水.

8時,更衣沐浴,拿了個擺腳机,就回上水,
途經炸魚皮碎店,留了一包;買了2斤赤小豆;
1斤扁豆;1斤去核雞心枣;1斤生苡米;
1斤銀杏(待處理)!
上水何俊記:燒肉雞飯碟(變下心);大例湯29元.

9時半,又沐浴,換全套淨衣,連運動頸巾.
上網:江河水----文松洞簫----三個月了;
簫都吹攣!?
覆E-MAIL,換三腳13M插蘇;修拾行裝.

10時45分下樓坐東鐵;
11時正,在太和頭廂會合十郎(未瞓醒),
師兄上座,講兩句咁多,就閉目養神;
11時半,旺角東出閘,背包有十幾斤;
手抱擺腳器連拖板,
有條靚妹問路:西洋菜街?跟住黎!冇答話?
疾走至彌敦道,先生到未?你返頭啦!!
11時40分到埗,微出汗輕喘;
十郎仲有氣,去後樓梯索煙,問我索否?索緊!!

11時45分(提前15分),按鐘仔,坐定;見有兩女!
雙相睇,十郎揀左條才女,
才女見十郎練左十年童子九陽神功,
十郎臨天光才睡了兩小時,幸冇遺尿!!
才女見十郎眼光光:望實佢眼都唔斬,
就叫十郎,張口度脷;又用玉手摸十郎左右寸口;
三部九候;十問十郎(做左嚴嵩);八字都問埋;
仲話忘記登記身份証;
千祈唔好忘記我份媒人費!!
才女沖左杯藥粉比十郎飲;十郎就言聽計從!?
叫十郎閉目金雞獨立;
又叫十郎平臥沙發試搖腳器;
又送個頭叉比十郎:叉頭;夾髮;做天線(溝通天界),
德國專利要2百幾,吓!我都有1個,有便宜唔使頸!
仲話請食飯,十郎約左靚女走先;
但約左才女星期五16時再來相睇.
要我來多次;又計多次嫁!!

13時才女帶我下樓,走秘密通道;
又上樓原來是PIZZA HUT,十桌八空;
才女話幽媾最好!!
才女,你個近身浣紗,頭先一直眼都唔斬咁:
含情脈脈睥實我;佢係咪以為我都係黎相親嫁!?
唔係!浣紗佢識親都係牛奶仔,未掂過男人嫁!!
吓!室女思男,好易發神經嫁;你成個男人頭,小心!!

14時半,才女先走;16時,30年代廣州老才女到.
黎師姐,你好!帶了4本火神派書,內有倪海廈;
仲有陳大劑(伯壇)手抄筆記,咁棧!
店小二,再來兩份下午茶,再要杯凍檸茶;
熱咖啡都係我包;師姐飲熱開水.
唉!黎師姐,今日聲沙都同我搶咪!!

17時,70年代之中才女,又返頭加入戰圈,
两才女;一痴男,變成三個字:才才痴!!
原來老,中才女都是機佬迷:仰慕張機(醫聖仲景)!
两才女惺惺相惜;一齊話我毛茸茸似猩猩!?
先母自小都話:在馬騮山撿我返黎嫁,知冇!?

18時,下午茶完,三人經秘密通道上樓,
黎師姐試了15分擺腳器,都話掂!!
中才女幫我貼了兩個耳穴,前後4張耳貼,
痛得我跳起,沖涼先好撕下!
19時半,關中央冷氣,又下樓經秘密通道,
去PIZZA HUT 樓上之金御酒家晚飯:
我飲普洱;老,中才女飲滾水;
叫齊4個特價菜:豉椒炒蟶子;水晶蜜味柚子骨;
西蘭花沙律蝦球;清蒸沙巴龍躉仔12両;
白飯兩碗;連茶芥加一,承惠349元!

21:15雨停,黎師姐坐地鐵;中才女有點低低地,
要坐102送她回家後;再乘地鐵回上水,
已是21日(小滿),零時十分!!