這個80後小子不太狂 ~ 精采留言

https://timeischanging2013.blogspot.com/2019/07/BobbyChanLive2019.html

2019年7月4日 星期四    陳昇三十週年《華人公寓》巡迴演唱會（香港站）觀後感

狂小子 Time Is Changing :

2019年7月7日 下午2:40

妳好阿姨，八萬五想法絕對係冇錯，最衰其實係班商人同中產，

一影響到自己嘅利益就個個出晒嚟嘈，

佢哋幾乎全部控制住成個香港發展同經濟步伐，

佢地請少啲人失業率就升，壟斷得好緊要。

呢十幾年間，好似所有香港人都變得好貪婪，只講錢，

個社會已經變到好瘋狂搶錢嘅狀態。

而比起住屋問題，我覺得人口政策就更加需要檢討，

其實香港人係好易氹，你只要解決每日150人入港，

同埋新界好多公眾地方一啲擺到明暗地裡賣淫嘅行為，

我肯定會少四分一人上街，但奈何香港政府尤其係近兩屆，

喺偏袒新移民嘅程度方面就越來越甚，

淨係講上公屋呢個問題已經引起一大堆中港矛盾嘅問題，

以前嘅新移民落到嚟個個勤奮工作值得尊重，

而家嗰堆全部好食懶飛，又可以光速上公屋，但就完全冇人管制，

由得香港冚唪唥變晒做呃飲呃食綜援新移民集中地，

但一個普通香港人，申請公屋就十年都未排得到，

樣樣嘢加加埋埋就令到某班政棍有機可乘，

其實一直有睇我Blog嘅人，

都知我一向都對大部分泛民議員好反感，尤其係張超雄，

我諗真係冇乜人記得而家香港遍地新移民、

假難民同南亞人全部都係呢條友搞出嚟！

次次遊行就走出嚟貓哭老鼠假慈悲，

我一向討厭建制派，但我更加憎佢呢種人！

仲有一點嘅就係有好多唔鍾意中國都未必係港獨派，我就係其中之一，

坦白講，大陸嘅歷史已經令到好多香港人，對佢哋嘅法治完全失去信心，

佢哋連文化大革命，同六四都唔願意面對，

一尾硬推國民教育，但佢哋班高官就全部又送晒啲仔女去外國讀書，

自己又攞晒外國戶籍，試問又點能夠服眾？

有時候倒不如大大方方承認自己曾經犯過嘅錯誤，咪仲更加會得到多啲人支持，

就好似德國，不過我知道中共一世都唔會。

2019年7月7日 下午2:54

呢篇係一個年輕人所寫嘅一段感受，我轉載落嚟俾大家睇， 

希望大家都嘗試企喺佢哋嘅角度，諗一諗佢哋點解會變成而家咁，

講真有邊個後生仔唔想留喺屋企打下機，得閒就拍下拖，

點解要出去硬食催淚彈，仲有晒心理準備去坐政治監先？

我認為絕對唔係純粹因為政棍挑撥咁簡單，係佢哋真係感到絕望。

《致上一代：點解年輕人要搞事》

當你係佢地嘅年紀時，申請公屋只要幾年就有，而家，申請公屋，

單身由18歲排到50歲都未上到樓，而同時間新移民可以極速上樓。

當你係佢地嘅年紀時，一年有過萬居屋供應，

一年可以抽幾次，中簽機會唔低，私樓亦唔係遙不可及，

而家，一年一次抽居屋，得三幾千個單位，幾十萬人爭，仲難中過六合彩，

私樓更加係絕望，除非你有父幹。

當你係佢地嘅年紀時，政府正在將市民由木屋，臨屋帶上公屋，居屋。

而家，政府話年輕人冇屋住，可以住橋底水管屋或者官民合辦嘅劏房。

當你係佢地嘅年紀時，雖然未至於想買樓就買樓，但要解決居住問題都唔算難，

有租務管制，租都租得起，再加各種置業資助計劃，

冇幾多人會因為住屋問題而冇得結婚，

而家，大把年輕人拍十年拖都唔敢結婚，就算結左分都要分開住，

就係因為屋貴到租唔起買唔起。

當你係佢地嘅年紀時，大學畢業起薪萬幾，食個早餐十幾蚊，

而家，大學畢業起薪都係萬幾，但食個早餐係三四十蚊。

當你係佢地嘅年紀時，一個人做嘢可以養一家幾口，

而家，兩口子做嘢都唔知夠唔夠養家。

當你係佢地嘅年紀時，撞正移民潮，做三幾年野就有得升職人工翻幾翻，

公務員冇人想做。

而家，個個年輕人志願都係政府工，

如果唔係，私人工隨時做十年人工都係多三幾千。

當你係佢地嘅年紀時，公園真係公園，營地真係營地，冇錢去旅行，

放假拍拖去行下公園露下營都可以享受寧靜，

而家，公園係大媽跳老舞同私下賣淫嘅地方，

營地就係大陸人嘅免費酒店，仲嘈過旺角。

當你係佢地嘅年紀時，政府係鼓勵建設香港，

為香港出一分力，成個香港朝氣勃勃而家，

政府係不斷叫年輕人去大灣區，

但同時又不斷放一大堆不事生產嘅大陸人落嚟。

當你係佢地嘅年紀時，唔會有官二代富二代同你講成功需苦幹，

因為當時苦幹的確會有出路。

而家，劉鳴煒之流最鐘意同年輕人講去少次日本就買到樓，

但去少一次日本都追唔到樓價一個月升幅。

當你係佢地嘅年紀時，民意能夠直達政府，

建制泛民都可以喺政府各部門佔一位置，更加唔會動輒被DQ。

而家，連監警會都容不下一個中間派，莫講話政府內部，

議會就早已失效，政府議案絕對通過，議員議案就絕不通過。

當你係佢地嘅年紀時，對住嘅係一個會重視人命嘅政府。

而家，對住嘅係一個若蓮喪子嘅政府，係一個老師自殺因為唔捱得，

學生自殺因為冇做好生涯規劃，年輕人死諫被完全無視嘅冷血政府。

當你係佢地嘅年紀時，港督夠膽單人匹馬落區食蛋撻，體察民情。

而家，特首唔將方圓一公里封閉生人勿近都唔敢落區　
總括而言就係，當你係佢地嘅年紀時，香港到處都充滿希望活力。

而家，香港對大部分年輕人都係絕望，

日復日工作結果連安居樂業嘅微細願望都遙不可及。

2019年7月7日 下午3:09

呢種情況係我最唔想見到，

就係一班年輕人開始，因為自己嘅立場而仇視某啲老人家，

我明白每個人嘅經歷都唔同所以所持嘅思想同理念都會有分別，

我有時都會同一班比較年輕嘅朋友講，話佢地絕對唔可以因為人哋嘅諗法，

同你唔同就將人哋妖魔化同定性為一個心地唔好嘅人，

更唔可以因為自己嘅政見而同屋企人鬧返，咁嘅行為係好唔值得。

2019年7月8日 下午12:48

有好多方法我都試過晒㗎喇～包括阿姨妳所講嘅牙膏，

但其實好多人都知道皮膚病呢樣嘢肯定係跟一世，

最多係控制病情，一定冇可能斷尾。

我當日都有睇到一個患濕疹嘅小妹妹，

殺死自己老豆老母然後再自殺嗰單新聞，

當時睇完我個心真係非常之唔舒服！

雖然我100%唔認同呢位小妹妹嘅行為，

但係作為過來人我就絕對清楚同了解，

每一位皮膚病患者嗰種無助無援嘅感受。

眼見身邊嘅朋友喺社會上努力打拼同盡情享受生活嘅同時，

我哋就不斷要為自己嘅身體而戰，呢種感覺實在係既無奈又感慨！😫

2019年7月8日 下午1:31

回第一段：所以我先成日同人講話，

根本就冇可能要人哋完全接受自己嘅諗法，

因為每個人嚟自唔同年代就會有唔同嘅生活、經歷同思想。

老一輩嗰代捱過好多鹹苦，嗰陣科技亦唔發達，

言論自由呢樣嘢對於佢哋嚟講，可能就冇咁重要。

之後再講遠啲，去到我嗰個年代，我係80後，不過我好早就出嚟做嘢，

所以有段時間我都會覺得而家班後生又唔捱得，講嘢又冇禮貌，份人又唔孝義，

但後來接觸佢哋多咗，我就漸漸體諒同明白佢哋所面對嘅困境。

阿姨，相信我，呢班後生仔嘅本質真係唔壞㗎～只係因為而家個政權太大細超，

所有事都偏幫晒近年落嚟班新移民，先形成今時今日咁嘅局面，

呢種狀況我好多年前已經喺個Blog度有提及過。

老實講，就我認識嘅所有新一批落嚟嘅新移民，佢哋全部都係好食懶飛兼乞人憎，

仲成日覺得我哋香港人欠咗佢咁！

而某班幾十歲嘅鹹濕伯父，有啲仲要抱埋孫都仲要成日上去惹花惹草，

仲將佢哋娶埋落嚟，咁都唔只，仲要臨老整多一盅兩件害死個細路，

點解呢班咁無賴嘅人竟然可以極速上樓？

但一班努力工作嘅後生仔就等成十年都仲未輪到公屋？

呢種極唔公平嘅待遇就係引發佢哋上街嘅其中一個重要原因，反送中只係一個導火線。

要知道，二百萬人上街嗰日唔只係一啲後生仔，仲有好多中年甚至係長輩嘅朋友。

我真心覺得，如果林鄭再唔好好處理中港矛盾呢個問題，

所爆發嘅衝突只會越嚟越多。😑

2019年7月8日 下午1:46

胡適曾經講過：現在有人對你們說：

「犧牲你們個人的自由，去求國家的自由！」

我對你們說：

「爭取個人的自由，就是爭取國家的自由；爭取個人的人格，就是爭取國家的國格！」

老實講，我真係好憎呢一班成日嚟香港呃飲呃食嘅蛀米大蟲！

佢哋嘅所作所為除咗影衰哂其他中國人之外，

仲搞到呢個世界越來越醜惡，越來越污糟！

因為有佢哋，大家開始對捐錢買旗做善事都有所顧忌……

因為有佢哋，人類僅有嘅同情心就漸漸變得可笑同多餘！

再者，一個國家不停做假貨，不停貪污腐敗，不停欺壓平民限制言論自由，

不停做黑心食物，視國民嘅生命如狗命，

種種原因加埋一齊，試問又點令人真心愛國呢？

事實上，我認為大部分香港人唔係唔愛國，只係唔會盲目愛國，

如木偶般隨當權者嘅指揮而舞動。

其實道理好簡單，國家對人民好，人民自然就會愛！

以我自己嚟講，我從來都唔主張港獨，但而家呢個國家，恕我完全冇辦法去愛，

我覺得而家係佢唔愛我哋，而唔係我哋唔愛佢，情況就好似梅艷芳個阿媽咁樣，

一個咁嘅阿媽你仲點樣能夠全心全意去孝順佢呢？😞

2019年7月11日 下午3:59

而家嘅年輕人其實思路好清晰，已經唔係咁容易受人挑撥，今次嘅遊行全部都係自發性，

同嗰班政棍唔係有太大關係，甚至喺一啲報導都可以清楚睇到，

佢哋當中直頭有人企出嚟鬧爆泛民嗰班愛做馬騮戲嘅政治演員！📢

2019年7月11日 下午4:10

中國一早就應該需要有全面嘅衛生文化教育，

大家諗下如果可以教育下所有新移民，

唔好再四周圍大小便，然後排隊就學下唔好打尖，

跟著平時啲言行舉止就禮貌少少，

唔好再個個落嚟好食懶飛無事生產，咁我相信所謂嘅中港矛盾，

就唔會發展到今時今日咁嘅地方，

但我知道……去到呢個階段都好難返到轉頭！

更何況中國現時根本就冇諗過要解決呢個問題，

反而就一味喺度硬推啲洗腦教育，

同每日放百幾個新移民落嚟溝淡香港文化，

咁新一代香港人感到自己嘅地位受到威脅，

咪開始不斷做出反抗嘅行為，

我覺得呢啲嘢係相對嘅，一隻手掌絕對係拍唔響！

阿姨妳諗下如果一個阿媽成日偏心另一個仔最終會造成乜嘢效果 ？

道理其實唔複雜，但我真心明白點解你哋會唔認同班後生嘅行為，

只係我想大家可以花少少時間去思考一下，

佢哋為乜個個都會有一種以死相搏嘅心態出現……😞😩

2019年7月11日 下午4:13

https://unwire.hk/2019/07/09/social-score-system/tech-secure/amp/

有時間可以去以上網址，睇下中國未來想暗中推行嘅呢個政策，

大家覺得一個真心愛人民嘅國家會容許呢啲事情發生咩？全民計分制，

根本就如同一個大型監獄！😡😡😡

2019年7月12日 下午7:39

仲有就係睇到阿姨嘅呢段回應，

我就想貼返我喺2016年年頭所寫嘅其中一段文字，

我想講嘅係，其實我由始至終都冇將中共同中國嘅所有人民畫成一個等號。

節錄如下：
「你說我會不會因為香港現時所發生的種種問題，而歧視所有大陸人，

和抵制所有來自大陸的東西？

我會不會因為自己的政治立場而跟所有藍絲和警察朋友割席？

我的答案是：人是應該擁有獨立思想的！不要隨便「歸邊」，也不用隨波逐流。

我的回鄉卡一直沒有續期，

我抵制CCTVB多年，我罷看王晶，拒裝樂視，拒用小米，

但同時我又不Like 100毛，也不喜歡看毛記電視，

更覺得「話你戇鳩怕你嬲」是首爛歌。

而一些來自中國的歌手，他們的專輯我曾經都買過不少，

像是王菲、那英、丁薇、李泉、崔健和黑豹樂隊等等……正所謂「針無兩頭利」， 

事實上，到今天，我跟我的藍絲朋友、警察朋友和大陸朋友都還是好朋友。

再者，其實我身邊有很多來港定居多年的大陸朋友都跟我一樣，

他們都十分痛恨共產黨和那些不守秩序的自由行，同時亦非常反對國民教育、

廿三條和一簽多行。於我的立場而言，大陸人不一定是敵人，

那些口口聲聲說自己愛港的香港人也一定是盟友。

你可以說我是大愛撚，也可以說我是假扮中立的五毛，但我真心覺得，

一些常把愛國愛港掛在嘴邊的人，到最後其實往往才是真正的害國禍根。」

對於阿姨所講話而家中國有好多人民，

都係比較正常同進步咗，呢一點我都唔反對呀，

我之前都因為寫過一啲音樂文章，

而認識到一班住喺上海，或者係北京嘅大陸朋友，

有啲仲喺台灣見過面食過飯，佢哋普遍都係好有文化同見識，

到而家我哋依然都係好朋友，仲成日有keep住聯絡。

我嘅諗法從來係好簡單，我由頭到尾痛恨同所針對嘅，

都係我所見到嘅同所認識嘅一班落嚟無事生產，同埋呃飲呃食嘅新移民，

呢啲人可以攞盡社會福利同埋極速上樓，

實在係對一班努力工作嘅香港人好唔公平，

呢一點我係一直都好堅持嘅。

講真，如果政府可以好好正視呢啲問題，

我根本就搵唔到任何理由去反對佢，

奈何佢哋嘅做法，就係一直逃避，唔肯面對市民嘅不滿同訴求。

2019年7月13日 上午5:53

喺我心目中我依然覺得阿姨係一個好善良嘅老人家，

您一樣係好緊張班年輕人，

只係大家所睇嘅出發點唔一樣。


http://timeischanging2013.blogspot.com/2019/09/Nattramn.html#comment-form

你／妳能感受到他的寂寞和痛苦嗎？誤墮塵世的暗黑使徒 - Nattramn

2019年9月5日 下午8:55

出嚟社會工作咁耐，經歷咗咁多唔開心嘅事，我清楚明白，

一個人嘅政見立場係並唔一定代表住佢嘅人格同品德，

講真呀～我真係有深入去了解阿姨、火姐姐同埋菲臘兄(即過氣年輕人)

你哋呢班前輩嘅諗法，你哋同其他嘅所謂愛國者唔同，

你哋係真心想香港好同埋亦都痛錫班年輕人，只係同我站喺唔同角度去睇，

記得你喺我上一篇文章所提及嘅一啲國家歷史，其實有部分我都幾認同㗎。

另外，我之前都講過，喺身邊對我最好嘅人，

基本上有八至九成都同我係持相反意見嘅，

而某啲喺現實上認識又同我立場完全相同嘅人，

就好似我喺下面同一位老Blog友所講咁，我係絕唔會因為咁樣就同佢哋拉近距離，

正所謂江山易改，本性難移，佢哋本質係點嘅人我又點會唔知，

傾下時事新聞就還可以，要交心就真係可免則免。👋🏻

2019年9月6日 上午3:58

千祈唔好咁講，我一向都唔鍾意啲後生仔後生女隨隨便便就叫人哋廢老，

正所謂家有一老，如有一寶，凡事都要先了解人哋嘅出發點係乜。

咁當然，嗰啲拎住鎚仔菜刀周圍走去斬同扑班後生仔嘅中老年人，

直頭就可以稱之為人渣，試問佢哋又點可以同你哋相比呢？

喺現階段，我會減少上一啲社交平台例如係Facebook，

同女朋友／家人／朋友亦都會盡量避談免傷和氣，

而喺公司除咗同自己理念相同嘅人會傾多幾句社會時事之外，

平時我都係會選擇保持沉默，雖然全公司都知我立場係乜……🤣🤣🤣🤣

我認為今次死傷實在太慘重，所以呢種僵持嘅情況相信短期內都唔會停止，

但我希望任何人都好，對身邊嘅家人同埋曾經共過好多患難嘅知己朋友，

以及一啲俾過你支持鼓勵嘅網友，就真係要好好咁包容各自嘅諗法，

再稍作休息，唔好一直咁撕裂落去。🙏🏻🤝🏻

2019年9月5日 下午8:39

首先要清楚一樣嘢，政見相同嘅人並唔代表一定適合同自己做朋友，

我哋必須要學識抽離，人與人之間就係咁，唔經歷一啲大件事係唔會團結起嚟。

但當危難結束，有好多人嗰種憎人富貴厭人窮嘅心態又會浮返上面，

呢啲嘢冇得上心，因為永遠都唔會改變得到。🙂

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

To Hong Kong :

意大利詩人但丁 :

地獄最深處

是留給在道德存亡之際

袖手旁觀的人

劉細良 :

平庸之惡
面對社會災難時
沉默不語
為保個人利益
默許大規模暴行發生
今天見到示威學生被濫捕,毆打,濫告
而沉默不語的學者,大學校長,專業人士
囗囗聲聲(譴責任何暴力)的社會精英
他們放棄了應有的道德判斷
深恐日後獨裁政權會追究
剝奪他們擁有的利益................
其實是整個社會的道德崩潰...................


https://www.youtube.com/watch?v=EqPtz5qN7HM  

eagles - Hotel California (Lyrics)

And I was thinking to myself

' This could be heaven or this could be Hell '