武林大會

5月1日勞動節!勞工有冇假放呢!?
白领咁悠job,點解仲多假期呢!?
呢輪武林動盪,皆因當年華山X代掌門,因材施教,
見我5歲走棋主攻,步步針住對方要害,
故傳我獨孤9劍,是為劍宗;練成後,
因時時針對人,好多盲毛無故撞到吾劍,
我好無辜嫁,甚多人唔Like我;

當年同門大師兄,為人忠厚,得授無相神功,是為氣宗,
功夫內斂,專門被人打心口,
師兄笑說:財布施;法布施;無畏布施,來者不拒,
無計,甚得武林同道歡心,又多徒弟供養,供差遣!

唉!師侄門見這師叔冇徒弟,要逼我改練氣宗,
以統一華山,迫到我走投無路,乞求師兄!
原來師兄閉關苦練蛤蟆功,谷鬼病咗,
其大徒弟逼其退位,要師兄與我斷絕恩情,
劃清界線,師兄無奈不與我相見,但師兄垂憐在下,
以千里傳音:囑我找傳真七子,以北斗七星劍陣,
教訓其不肖徒!

唉!同門相逼:忍之不甘,殺之有悔,無奈!!
昨晚約了七子:打邊爐$118/位任飲任食全包.

17:15在旺角104站遇上郭襄,問起倚天劍!?
她說在滅絕師太手.
問起佢外公東邪黃葯師,及郭靖與黃蓉?
她說在桃花島.咁遠!來不及助拳了!


18時半,與郭襄來到上環樂古道:嘉豪酒樓,
上了茶水,先來先涮;邊食邊等!

19時譚處端從羅便臣道來,坐定開茶,
原來2002年曾中風,
雖復元,但功力不大如前,現職監督賓妹睇孫女.

19:05劉處玄(化名老鄭),從第三街放下鑊鏟就來,
全退20年了,練了一甲子童子功,但烏雲滿面,
唔知搞邊科;只知他是股票專家!

19時半,馬鈺(化名老張),從深圳趕來,下午三陪高幹,
飲到似醉八仙,仲滿面油脂,唔使講梗係食得好野多,
在杭梓有6萬呎地:蓋起6萬呎樓面做廠及宿舍,
8萬港元月租,已有幾百萬机器;
又多買了幾百萬注塑机,就可炒了幾拾人,叻過霍建寕!
請了港人TONY當副總,
買了輛南韓現代8座,請了個大陸司机,
就可來回羅湖住家;又可兼顧賣中藥材比日本仔埋丸!
仲話同孫不二去咗德國11日,參展兼旅遊散心,
孫不二外感,在鴨脷洲老壇養病!

20時,邱處機(化名老林),在銅鑼灣診所趕來,
他說江湖動盪,很多江湖中人,被仇家打甩棚牙,
揾佢整,咦!幾時做咗:疑是地上霜牙佬!

20時半,王處一(化名老麥),從屯門診所趕來,
嘩!1991年賀佢:開中醫藥店,
22年了變咗咁大件,重咗30磅有多,
哦!原來做埋:中醫推拿,練到咁Q大隻,
仲有退休幼園女校長:免費幫助執藥添!?

痴痴呆呆;坐埋一檯:
譚處端,劉處玄,邱處機,王處一,加埋郭襄,
剛好5個老處,加上馬鈺和我,啱啱7人,
能擺北斗七星陣!七條友天南地北,
講起老子創立道教:分出北重陽修內丹;
南茅山練外丹,符錄,念咒上身,自己友都鬼打鬼;
仲比佛教佬搶人轉教,再唔齊心,想唔息微都幾難!

又茶又水又BEER:又魚又肉又菜,唔食滯都幾難!?
嘩!23點了,郭襄,送你到太古,去郝太古家練下七星陣,
坐老龍去仲好Q多人,叮叮下,
叮到零時十分,才到太古分手;
我坐小巴去旺角,轉專綫小巴:排長龍,回到上水是2時半.