夢遺拾憶 12

   4月28日,IT'S A SUNNY ---BEAUTIFUL
SUNDAY :SUNDAY MORNING UP WITH THE ..........
WOO WOO WOO IS A BEAUTIFUL DAY !

08:45,下樓看見粵北韶關:王師父在拉二胡,
返樓上搬了4個二胡來,一個蛇皮裂了,維修要千幾元,
老劉是共产党:現任大廈老總暨租售本廈中介,
1%佣金(外面3%两邊收,好過做hen)!
每人交了100元拜師費,擇日上課;

老莫放完狗話考慮下先!仲諗乜Q 野!?
我提供二胡,兼請食飯;
老劉提供茶水及場地(假公濟私)!

王師父(40後民工隊,唔知有冇陪過江青乜野):
帶住3個老徒弟(50後),以大廈名義組織樂團,
請地主深圳大學教授開班坐館,
叫5個女大學生陪我彈6個古箏!

仲有存貨:6個結他;1個琵琶;1個手風琴;
1個專業YAMAHA 電子琴;幾枝牧童笛,
橫簫直笛,做其帶教,爽!

樓下間朝陽幼稚園:幾個少女教師,
每朝帶著百幾只鴨仔:做早操,彈吓彈吓:
夠晒彈力(真係18冇醜婦呀!)大細一齊收編,
教埋象棋和中醫保健暨補習社:作育英才,
幾咁偉大呀!!

11:30約了老陳睇樓,Ａ棟30D,高左一倍,
有君臨天下之慨,正南偏東16時後西斜入宅,正到痺!!
房東實收180萬人仔;還價畀180萬,
相差4萬零仲要問老婆(找藉口找個好的);
似番個男人至得嫁!佢真係賣就頭痕,都唔知落誰名,
香港人有半個名都唔再買得嫁!?

13時約了孫不二聽粵曲,佢話上水街市馬來亞休息,
無咖喱牛腩和海南雞食,唔來嘞!
吹雞:一枝穿雲箭,千軍萬馬來相見,
咦!得3張飛咋!收番枝穿雲箭先,好貴嫁!

請高佬泉(惠州博羅人,娶了上水圍老廖,
有二女:大女電腦本科,學鋼琴嫌貴;
細女精神科西醫,就話唔貴,
幾年前,她讀醫時飲過茶,幾靚女嫁!)

老民(深圳羅湖區黃貝嶺原居民,
拆它祖屋1平方瓦顶屋,換1平方新樓;
在起樓期間,仲有幾年市值租收;

民嫂去左大陸一日遊,退役校工,比校長玩Q死:
6人工作縮作4人,校長叻過李嘉誠,
民嫂就做到周身勞損!
有三女:
長女很清秀/瘦,幾年前生癌,西醫束手,找周師兄醫,
有好轉,為了養狗,搬去錦田丁屋連天臺,
山旮旯,舟車勞頓,好人都死,30幾就蒙主寵召,
基督女婿冇來往,老民夫婦認為女兒之早死,
與女婿有責任,我就話責任係耶和華两仔爺度;

三女中學畢業後,就騎自行車上門家教,
幾年前在松柏塱與外公同住,新蓋平房與鄰居不和;
外公往生後不久,就在屋前大樹上,處女度頸,
老民嬲到屋都賣Q埋!

二女尖東中女OL,上水自置彩蒲苑獨居,
就不回天平邨陪父母,你話養仔女喇,
唉!幾年前與其一家五口食飯......!!

三人要了個鳳爪排骨煲仔飯,鹹魚瘦肉飯,
雞紮一碟,民哥淨飲普洱,63元.

13:45到上水大會堂3樓,樓上HALL,
大堂前第一行對正,俯視十人樂團:
二胡,高胡,古箏,琵琶,小阮,楊琴,橫簫直笛,
SEXPHONE,車佬(大提琴);
其中二人搞擊:大鑼大鼓:鈴鈴鈸鈸,直敲橫打,煞是好看!

14時正,两女司儀過場,馬上開鑼:
平喉子喉,一對平均半小時,唱了4對,已是16時,
中場10分鈡,老民先走.
17時半,再看完3對就謝幕.
7對14人只有兩中男:有台型,唱得下;
12個女中,第六場及第七場60後子喉,
唱得幾好,仲識灑幾下蘭花手,
有一個70後子喉再唱就要裂聲帶了.
唱曲最重要識用:上,中,下三個丹田气,
此乃感情;發音;气根之別也,
精气神三位一体,缺一不可!

散場後,高佬泉訴說:小鄧子,前幾日24號中午,
你教訓那條退休拉馬佬,這幾天拉著我訴苦,
我要安撫佢,聽佢支喃嘸笛,煩死!
你咁少浦頭,佢唔知掟;又死棋;又無錢輸;
又似高大;翹口摻手,想打佢好耐,睇見你坐係度,
佢動拳動腳就跌眼鏡(郁手唔識除眼鏡),
你在檯面執起眼鏡,叫他袋好,又幾聽話!
佢仲唔知掟,再揮右拳,你坐著右手執他手肘,
右腳踏他右腳,嘩!你站起來,連消帶打,
壓他埋牆,左手拍了他三下後腦,
你若發力,佢唔死都变儍!
他仲爭扎,比你一拖壓在地上,數了十聲,
你就拿起包黑菩提子走人,乾淨利落,
條懵丙左面皮外傷,變左花面貓,仲哭喪添!
佢知我識得你,我假說是幾年前之的士行家,
無聯絡,真是大快人心,
丙完佢,呢幾日靜哂,睇棋唔再多口多手,
呢的戇居佬,你唔教訓佢,遲早好似早两星期,
公園睇捉象棋之塘邊鶴,初則口角,繼而斬Q死人!

唉!一年一個QOUTA都用完,5月都未到,
仲有8個月才過年,都係咖喱牛腩飯累事.
真係要練金雞獨立,練到呆若木雞,
嗰班懵雞見到我就驚,唔使我郁手教訓人,
少發力,两手肘都發痺嫁!要嗎,
清埋冰箱的三淨魚,肉,
改行食肉邊素!平和好多嫁!!